_____
wenn_i daham sou duach_d botanik latsch
kummi dauand an stelln wou_mi da gatsch
zwingt mia jeds geht_scho_no zu überlegn
de_guatn schuach zliab aundas zu bewegn
und hot_di bis duat_hi da feichte fichtnNadl
teppich komod in_d klane übasetzig gfedat
host plötzli eiwend fantomspotzn in_di wadl
dramst das voadia_wea vom umdrahn redat
bis tschekst das_nua an_hoibm meta nebm
rotweiss makiatn wo_s da_d fiass wegrupft
da weg ins_zü dasöbe is walst füa_dei lebm
gean tapfa mit_lafst sofean_di kana schupft
_____