_____
auf d füass und putzmunta
ned wissn warum
am tscheckn wo s zvü wiad
drah s schubladl um
zwischn glumpat zwa zettl
auf oan steht wos drauf
i heb ma den aundan
füa momentan auf
a link und a numma
wos föht isas gsicht
i start mein kompjuta
moi schaun wossa spricht
die seitn hots insi
jo ehrli_ koa schmäh
geh aussi in d kuchl
und moch ma an tee
kumm zruck prüfs ergebnis
fürn anfang ned schlecht
i ruck ma s erlebnis
im hirnkastl zrecht
hobs intus bin zfrieda
da erste dea locht
trink aus leg mi nieda
bisspäta_ guat nocht
_____